पुणे :मागील काही दिवसांपासून आमच्याकडे अनेक चौकशा येत असल्यामुळे हे निवेदन प्रसिद्ध केले जात आहे. आम्ही आमची भूमिका स्पष्ट करु इच्छितो व आमच्या विद्यार्थ्यांना आणि समुदाय नेटवर्कला पारदर्शक माहिती देऊ इच्छितो.
आम्ही सेबी (SEBI) सोबत पूर्ण सहकार्य करत आहोत व त्यांना आवश्यक असलेली कोणतीही अतिरिक्त माहिती किंवा मदत पुरविण्यास वचनबद्ध आहोत. सर्वोच्च दर्जाची पारदर्शकता व अनुपालन सुनिश्चित करण्यासाठी त्यांचे मार्गदर्शन आम्ही स्वागत करतो.
अलिकडे काही चुकीची माहिती प्रसारित झाली आहे, जी स्पष्ट करणे आवश्यक आहे. अवधूत साठे ट्रेडिंग अकॅडमी ही केवळ प्रशिक्षण संस्था आहे; ती सल्ला देणारी सेवा पुरवठादार संस्था नाही तसेच “फिन-इन्फ्लुएंसर” देखील नाही. आम्ही गुरुकुल पद्धतीचे शिक्षण अनुसरतो, जिथे संस्कार आणि मूल्ये जोपासली जातात. यामुळे सहभागी विद्यार्थ्यांना योग्य कौशल्ये, विचारसरणी व शिस्त अंगीकारून भांडवली बाजारात यशस्वीपणे काम करण्याची क्षमता मिळते. आमचे ध्येय म्हणजे एक सहयोगी आणि सहाय्यकारी परिसंस्था उभी करणे. आमचे प्रशिक्षण केवळ बाजाराची माहिती देत नाही तर चढ-उतारांचा सामना करण्यासाठी भावनिक आधारही पुरवते.
आम्ही संशोधन अहवाल किंवा शेअरची शिफारस प्रकाशित किंवा प्रसारित करत नाही.
आम्ही मोबदल्याच्या बदल्यात वैयक्तिक गुंतवणूक सल्ला देत नाही.
आम्ही ट्रेडिंग टिप्स, स्टॉक कॉल्स किंवा निश्चित नफा मिळेल अशी आश्वासने देत नाही.
अवधूत साठे ट्रेडिंग अकॅडमी (ASTA) मध्ये आमचा एकमेव भर हा संरचित प्रशिक्षण कार्यक्रमाद्वारे स्वतंत्र ट्रेडर्स आणि गुंतवणूकदार घडविण्यावर आहे. आमचे सत्रे विद्यार्थ्यांचे विश्लेषण कौशल्य, अंमलबजावणी क्षमता व निर्णयक्षमता विकसित करण्यासाठी डिझाइन केलेली आहेत. त्यामुळे आमचे विद्यार्थी ज्ञान, शिस्त आणि आत्मविश्वासाने व्यवहार करण्यास सक्षम होतात.
भारताच्या भांडवली बाजाराच्या घडणीत सेबीची महत्वाची भूमिका आम्ही मान्य करतो. त्यांच्या सक्रिय व पारदर्शक नियमनामुळेच आज भारत जगातील चौथ्या क्रमांकाचा इक्विटी बाजार झाला आहे. ऑगस्ट २०२५ पर्यंत देशातील डिमॅट खात्यांची संख्या २० कोटींवर गेली आहे, ज्यातून गुंतवणूकदारांचा वाढता सहभाग आणि आर्थिक समावेशन स्पष्ट होते.
या वाढत्या प्रवासाला चालना देण्यासाठी संरचित प्रशिक्षण कार्यक्रम आणि गुंतवणूकदार जागरूकता उपक्रमांना मध्यवर्ती भूमिका बजावणे आवश्यक आहे, ज्यामुळे लोक भारताच्या भांडवली बाजारात जबाबदारीने आणि प्रभावीपणे सहभागी होऊ शकतील.
ASTA विषयी:
अवधूत साठे ट्रेडिंग अकॅडमी (ASTA) ही एक अग्रगण्य शेअरबाजार प्रशिक्षण संस्था आहे. तिने आतापर्यंत ५१+ देशांतील आणि भारतातील सर्व ३५ राज्ये/केंद्रशासित प्रदेशांतील ६२,००० पेक्षा जास्त विद्यार्थ्यांना प्रशिक्षण दिले आहे. १८०+ शहरांत व ६५०+ जिल्ह्यांमध्ये आपली उपस्थिती नोंदवून, ASTA ने १३,५०० पेक्षा अधिक महिलांना आणि ३०+ क्षेत्रातील व्यावसायिकांना सक्षम केले आहे. १८ ते ५५ वयोगटावर लक्ष केंद्रित करून शिस्तबद्ध आणि स्वतंत्र ट्रेडर्स व गुंतवणूकदार घडविणे हाच ASTA चा मुख्य उद्देश आहे. ज्ञान, कौशल्य व शिस्त यांच्या आधारावर व्यक्तींना सक्षम करून, भारताच्या बाजारपेठेत जबाबदारीने व स्वयंपूर्णतेने सहभागी होण्यास प्रवृत्त करणे हाच आमचा ध्यास आहे.
संपर्कासाठी:
📧 media@avadhutsathe.com
